LDK zyrtarizon kandidatin për kryeministër. Hoti zëvendëson Mustafën

LDK zyrtarizon kandidatin për kryeministër. Hoti zëvendëson Mustafën

Lidhja Demokratike e Kosovës konfirmoi zyrtarisht se, ministri i deritanishëm i Financave, Avdullah Hoti do të jetë kandidat i saj për kryeministër në zgjedhjet e 11 qershorit.

Kjo u bë e ditur pas përfundimit të mbledhjes së Kryesisë së LDK-së, ku kryeministri në largim, Isa Mustafa e bëri publik vendimin e marrë nga drejtuesit e forcës politike.

Mustafa ka thënë se, nga Hoti, shumë vetë mund të mësojnë mbi ekonominë dhe një qeverisje të mirë.

Njeriu, që largohet nga posti i shefit të ekzekutivit, e njoftoi 3 ditë më parë vendimin e tij për të mos kandiduar më.

“Duhet të hapim rrugë në LDK për kuadro”, është shprehur ai, duke shtuar se i duhet hapur rruga njerëzve të rinj.

Qeveria e Isa Mustafës u rrëzua më 10 maj, pasi nuk arriti t’i mbijetonte një mocioni mosbesimi të opozitës.

Kosova